نبض الإسلام

منتدى اسلامى

متــــــــــــــــــى اللقـــــــــــــاء؟ لا .......... لن يتخللنــــــــي الخـــــــــــــذلان بل سأرسم على كل الجدران امجاد كل الشهــــــــــــــداء واكتب علــــــــــى كل صفاحات الوجـــــــــود اخبــــــــــــــــار كل الاحبــــــاب سطـــــــــور والتقط من كـــــــــــــــــل الدروب صور تسرد واقعا مسكـــــــــــون ღ فلســـــــــــــــــــــــــــطين ღ ‏‏

    حبيتك لإلتزامك . . . . حبيتك لاحترامك

    شاطر
    avatar
    جنة
    Admin

    عدد المساهمات : 52
    تاريخ التسجيل : 26/08/2010

    حبيتك لإلتزامك . . . . حبيتك لاحترامك

    مُساهمة  جنة في الثلاثاء سبتمبر 21, 2010 11:14 pm

    حبيتك لإلتزامك . . . . حبيتك لاحترامك
    حبيت فيك التواضع . . . . والعزة اللي ف كلامك
    مبسوطه منك لأنك . . . . إسلامك كل همك
    * * *
    أنا أصلي قبلت طنط . . . . واداتني فكرة عنك
    وسألتها عن طباعك . . . . إن كنت يعني هادي
    فحكاتلى عن سماعك . . . . لكلامها وانت راضى
    وازاي بتسلي نفسك . . . . بذكرك وانت فاضى
    وحلاوة صوت تلاوتك . . . . وازاي بتكون مشارى

    * * *
    وسألتها إن كنت فاهم. . . . معنى كلمة زوجين
    قالتلى هتكونوا ورقة . . . . مطبوعة نسختين
    غنية أو كنتى فقيرة . . . . ليك عندى ابنى دينه
    سرك هيكون في بير. . . . معرفش مكانه فين
    تفضل دايماً كبيرة . . . . في نظره حبتين
    لو جه بفلوس كتير . . . . تطمنى جت منين
    * * *
    هتكونى دايماً معاه . . . . سيرتك هتكون هواه
    والشوق اللي ف خيالك . . . . تلقيه لحظة لقاه
    لو جيتى زعلانه ف مره . . . . إرمي همومك وراه
    ومهما شاف بره . . . . . مش هيشوف فى عينه غيرك

    واطمنى يابنتى خالص . . . . عقله مافيهوش تفاهة
    وزي ما هو أبنى . . . . حمايا وحاميكى

    * * *
    وسألتها عن ولادي . . . . منك هيكونوا إيه؟
    قالتلى هيكونوا عادي . . . . فسألتها يعني إيه؟!
    قالتلى العادي إللي كان . . . . عند الناس من زمان
    العادي بتاع سراقة . . . . وحذيفة بن اليمان
    العادي بتاع أسامة . . . . وابن الحكيم لقمان
    ده العادي بتاعنا إحنا . . . . بنربي عليه عشان
    لو جينا ولا رحنا . . . . هنقابل الرحمن
    عمرك ما تخافى عليهم . . . . ولادك في الأمان
    * * *
    أنا أبنى هيربيهم . . . . ع السنة والقرآن
    هتشوفى ابنك بيصحى . . . . مادام سمع الأذان
    ينزل في الفجر يقرأ . . . . بالسجدة والانسان
    هتشوفى في حجاب بناتك . . . . العفة والإحسان
    هتشوفى إزاي زوجك . . . . هيعينك إنتى كمان
    * * *
    وسألتها عن حياتك . . . . من قبل الالتزام
    قالت أتذكر في ليلة . . . . مش فاكرة أنهي عام
    أذان الفجر أذن . . . . وقالى سيبني أنام
    فدخلت الأوضه جوه . . . . أجيب منها الحزام
    وعقبال ما رجعت تاني . . . . كانت رجعت ف الكلام
    الله يجازي الشيطان . . . . خلاه يقول أنام
    بس اطمنى خلاص . . . . دلوقتي بقى تمام
    * * *
    قدملي فراوله . . . . قاللي اتفضلى وسمي
    أحسن من سكة كولا . . . . صدقيني وخدها مني
    * * *
    قلتلها طيب ياطنط . . . . يسعدني أقولك إني
    بطلب أبنك ونفسي . . . . تناسبيني وترضى عني
    راحة شادة فجأه لبسي . . . . وقلبت وشها وسألتني!!
    * * *
    حافظة كم جزء يابنتي . . . . وقارئتى كام كتاب
    احكيلي كده عن مؤت . . . . أوغزوة الأحزاب
    وسمعه كام حديث . . . . في الأخذ بالأسباب
    وكمان سمعيلي آيه . . . . ذكرت فيها الدواب
    ولو شايفاها صعبة . . . . قوليلي بتاعة الذباب
    واحكيلي حلم يوسف . . . . وبراءة الذئاب
    واخواته لما جولوه . . . . دخلوا من أنهي باب
    واديني فكرة برضه . . . . بتقبضى كام ثواب
    وناويه ازاي تحسنى . . . .أنا شيفاكى لسه شاب
    * * *
    وسألت نفسها وسألتني . . . . هتعوز إيه يعني مني؟
    لو عندي كل حاجه. . . . وديني مش شاغلني
    أحسن ليكى تنسى أبني . . . . وجوازك مش لازمني
    قلتلها صبرك ياطنط . . . . وبراحتك امتحنيني
    يبقى اما أسأل تجاوبى . . . . خليكى دايماً فاهمانى
    سألتك وانتى ساكتى . . . . خلتيني أظن ظني
    وفضلت تسأل واجاوب . . . . وعشانك رضيت بهذا

    وظهرت النتيجة . . . . وبفضل الله قبلتني
    * * *
    قالتلي مقبوله في نظري . . . . مبروك عليكى أبنى

    لكن في نظره هو . . . . نجاحك مش بإيدي
    وهو زمانه راجع . . . . من تمرينه فى النادى

    خليكى قاعدة شوية . . . . استنى لما ييجي
    هعمليك من إيديا . . . . كباية شاي صعيدي
    * * *
    سابتني وقعدت أفكر . . . . هل ممكن يرفضيني
    طاب قوليلى حتى أفكر . . . . مش يمكن يفهميني
    وفضل مخي يلاعبني . . . . يجيبني ويوديني
    وخايفة من المقابلة . . . . مرعوبه بينى وبينك
    ودق الباب في ثانية . . . . وشوفته مرة تانية
    مش قادرة أنسى يومها . . . . وفاكرة كل ثانية
    * * *
    وندهت والدته عليه . . . . عشان أول لقاء
    دخلت وشوفت وشك . . . . عليه نور الايمان والحياء من الرحمن

    نور والله فعلاً . . . . مش نور مظاهر الحياه

    كان أول مرة أخاف . . . . من فتنة الرجال
    أخلاقك مش عادية . . . . وجمالك كان شفاء
    * * *
    جلست جنب والدتك . . . . وسألتني وجبايتك ايه

    وفكل مرة أجاوب . . . . كنت باشوف ابتسامتك
    ف أقول من جوه نفسي . . . . يارب أكون عجبتك
    وبعد شوية قمت . . . . ندهت عليك مامتك
    ورحت دخلت جوه . . . . وراح وراك والدك
    وانا قلت مش مروحه . . . . غير لما أكون نصيبك

    * * *
    ومامتك جاتنى تاني . . . . وقرب من وداني

    لابسه تحجيبه سوده . . . . وطقم لون رمادى

    المنظر يعني كله . . . . ميدلش ع الأمانى
    قلتلها مالك ياطنط . . . . من فضلك قولى عشاني
    من خوفى كنت جالسه . . . . سايبني ليه أعاني
    قالتلي مستنيه إيه . . . . قومى روحى هنيجى نطلب إيدك

    الولد مش موافق . . . . يتجوز حد تاني
    * * *
    كنت أول مرة أعرف . . . . إزاي الناس بتفرح
    سعادتي كانت غريبة . . . . مش ممكن هقدر أشرح
    من كتر حبي ليك . . . . نويت أجيت حاجات

    رحت اشتريت حاجات . . . . وفرقت على الغلابه

    ده أخيراً هبقى جوزتك . . . . وشجرة صبري تطرح
    * * *
    خطوبتنا كانت بسيطة . . . . مكانش فيها هيصه

    وفرحنا كان في جامع . . . . يعني مش أى فرحة

    ومامتك جت في يومها . . . . هاتولى أبنى تانى
    هاتوه لحضنى تانى . . . . ده مش فاهم العبيط
    إنها هتخطفه مني . . . . وهيوحشني الغتيت
    * * *
    صعبت عليا مامتك . . . . الموقف كان شديد

    لكن فعلاً خطفتك . . . . ورحنا مكان بعيد
    فاكر ولا انت ناسي . . . . أكيد فاكر أكيد
    من يوم ما بقيت زوجي . . . . وانا متهنيه وسعيدة
    معايا ف كل يوم . . . . ويوم لؤاك ليه عيد
    عمرك ما دقت نوم . . . . وانا تعبانه أو مريضه
    فلوسي كانت بتكتر . . . . والخير عندك يزيد
    وعاملت ليه دفتر . . . . ومرتبه المواعيد
    وبفضل الله قدرت . . . . وجبتيله الوليد
    وبعديها بشوية . . . . جبتله عليه و يزيد
    وبعديها جت سمية . . . . وآخرهم كان حميد
    * * *
    بدعيلك كل يوم . . . . وأفضل أعيد وازيد
    ربيت عيالي دول . . . . ع القرآن المجيد
    طول عمرك وانت صافى . . . . قلبك لون الحليب
    أخلاقهم مش عادية . . . . طلعنلك مش بعيد
    وليد دلوقتي ضابط . . . . ومعاه رتبة عقيد
    ودعوة قلبي صابت . . . . ويزيد أهو مات شهيد
    وبنتك صيدلية . . . . وحميد أصبح معيد
    الله برحم أبوكي . . . . راجل من نوع فريد
    كل اللي قاله فيكي . . . . أنا عشته بالتحديد
    * * *
    عشت معاكي ف حكاية . . . . أحلى وأجمل رواية
    حكايتي كانت معاكى . . . . وحكايتك كانت معايا
    اديتك كل عمري . . . . وهمك كان رضايا
    وعمرك خدته منك . . . . وقربك كان دوايا
    وخلاص العمر راح . . . . راحت أيام صبايا
    ومسافر رحله صعبة . . . . وزادي مش كفايه
    مش عاوزة أشوف دموعك . . . . بالذات ف يوم عزايا
    أنا عارفه إنك عارف . . . . إن الموت مش نهاية
    دي لسة الرحلة طالعة. . . . والموت خط البداية
    إدعيلي يمكن أوصل . . . . . . . . . . . . وأشوف هناك الصحابة

    أنا عارفه إنه فيها . . . . محجوزلك هناك سرير
    * * *
    وسلامي في النهاية . . . . أنا خلصت الحكاية
    لو يوم فكرت فيه . . . . إقرى شعري وغنايا
    وأمانه ف كل مرة . . . . تدعي لي بالهداية
    عسى ربي بدعائك . . . . يغفر ليا الخطايا

      الوقت/التاريخ الآن هو الثلاثاء ديسمبر 12, 2017 10:39 am